Kalibo Aklan ————Naga abot sa masobra sa 7 milyon pesos ro inisyal nga kantidad it gin-aywan nga kahalitan sa mga pananum it nagtaliwan nga bagyong Odette sa probinsiya it aklan base sa datos it provincial disaster risk reduction and management council ukon PDRRMC .
Angot kara, ginpahayag ni Salome David, assistant provincial agriculturists it provincial agriculture’s office nga kapin sa 892 nga ektarya it tanum nga paeay ro naapektuhan .
Mag-eowas kara, may nahalitan man nga mga tinuean-on, kamaisan ag iba pa bangud sa mga pagbaha, apang minimal eamang .
Ginpahayag dugang nga may nailista man sanda nga 1,557 nga farmers affected .
Sa pihak kara, ginklaru nana nga nagapadayon pa ro andang gina-obra nga assessment kaibahan ro department of agriculture agud nga matumod kon ano ro mga pwedeng bulig nga maitau kanda .
Samtang, ginpasiguro man it andang taeatapan nga may nakapahaum nga ayuda ro DA nga igapanupod sa mga apektadong mangunguma.
