SPORTS News — Pamumunuan ni Olympic silver medalist Carlo Paalam kasama ang pitong iba ang koponan ng Pilipinas na lalahok sa World Boxing Championships sa Liverpool, England mula Setyembre 4β14.
Umalis si Paalam noong Linggo patungong Sheffield, England para sa mini-training camp bilang paghahanda.
Siya ay maglalaban sa menβs 55kg division, habang si Riza Pasuit naman sa womenβs 60kg category.
Kasama rin nila sa grupo si coach Reynaldo Galido at consultant Don Abnett.
Inaabangan din ang pagdating ni Ronald Chavez Jr. para sa menβs 70kg category, kasabay nina Jay Bryan Baricuatro (menβs 50kg), Junmilardo Ogayre (menβs 60kg), Mark Ashley Fajardo (menβs 65kg) at Ofelia Magno (womenβs 48kg).
Ang ilan sa kanila ay magmumula sa training camps sa China at Thailand.
Hindi makakasama si Paris bronze medalist Aira Villegas dahil sa shoulder injury.
Ayon kay Association of Boxing Alliance in the Philippines Secretary-General Marcus Manalo, napakahalaga ng World Championships dahil ito ang pinakamataas na antas ng kompetisyon sa labas ng Olympics at ang kauna-unahang World Championships ng bagong International Federation para sa Olympic-style boxing.
