HEALTH News–Ginpahayag it mga eksperto nga agud nga maalagaan ro mga kidneys, kinahangean nga limitahan ro paggamit it pain relievers.
Ro mga ordinaryong pain relievers kapareho it mefenamic acid, ibuprofen, ag mga maeahaeon nga pain relievers kapareho it celecoxib, hay puwedeng makasamad it kidneys.
Kinahangean nga limitahan ro paggamit kara sa sang domingo ukon daywang domingo eamang.
Pagkatapos hay papahuwayan anay ro kidneys antes nga uman nga taw-an it bueong.
Kun ikaw hay may arthritis, pwedeng butangan it mainit nga tubi ukon hot compress ag mag-inom it paracetamol tablets.
Mag inom it bastanteng tubi sa sueod it sang adlaw.
Ro kaeabanan nga ginalaygay it mga doctor hay ro pag inom it 8 baso it tubi sa sang adlaw .
Makabulig raya sa paglikaw sa kidney stones ukon bato sa bato.
Owa pa sigon it basehan ro paggamit it supplements para sa kidneys.
Sundon eamang sigon ro mga laygay kon paalin nga maprotektahan ro atong kidneys.
