Padayon ro paghimo sa haeos 389 housing units nga nahamtang sa Brgy. Nalook, Kalibo nga may eapad nga 3,000 hectares nga propiedad sa idaoem it National Housing Authority ukon NHA.
Pahayag man ni Vice Mayor Cynthia Dela Cruz nga ginasaligan nga raya hay matapos makaron nga dag’on ukon sa temprano nga parte it 2025.
Prioridad sa nasambitan nga pabahay project ro mga naagyan it bagyo sundan it mga una naga’istar sa mga peligrosong lugar kapareho it maeapit sa mga kasubaan.
Ibase sigon ro nasambitan nga pagpili it benepisyaryo sa mga criteria ni Mayor Juris Sucro kaibahan ro Office of the Municipal Planning and Development Coordinator apang sa makaron hay uwa pa it guidelines nga hapaguwa.
Pagdayaw man nana nga madasig ro paghimo sa housing units ag mabahoe ro lugar.
