Pabaskugon pa ro mga laye nga naga-eagas sa mga korap nga opisyal suno kay Presidential Candidate De Guzman

KALIBO, Aklan—Nagapati si Presidential Candidate ag Labor Leader Leody De Guzman nga dapat pabaskugon ro mga laye ag i-re-enforce ro mga institution it gobyerno nga naga-eagas sa mga korap nga opisyal.

Tuyo kara nga matapos eon ro nagakatabo nga maeapnagon nga koraspyon sa pilang departamento it gobyerno.

Suno kay De Guzman, kinahang-ean eon nga bag-uhon ro sistema it pulitika ag makaangkon it reporma sa eleksyon para malikawan ro mga bulok nga opisyal.

Dapat sigon nga makaangkon it mabakod nga panindugan ro gobyerno para mapasabat ro mga korap.

Nasayuran nga naga-abot sa P700 billion ro nagakaduea sa kaban it nasyon kada dag-on bangud sa korapsyon.