HEALTH News–Maabung sakit ro nagatuhaw makaron kapareho it COVID, swine flu, bird flu, tuberculosis ag iba pa.
Nasayuran eon naton ro importansiya it paghugas it alima ag paggamit it alcohol.
Apang may kahigayunan nga indi malikawan nga madapuan it mga nasambit nga sakit.
Sa makarondaya nga kahigayunan, ro pwedeng pangsukoe eamang naton hay ro aton nga immune system.
Raya ro resistensiya ag kabaskog it atong eawas.
Kon mabaskog ro eawas, owa it epekto ro virus ag mikrobyo.
Agud nga mapabaskog ro eawas, magkatueog it 7-8 oras kada gabi-i.
Pinaagi sa pagtueog hay ginapamayad ro organo it atong eawas.
Kun indi makatueog , ,mag-eubog eang ag ipahuway ro isip.
Relaks eang sa pagtrabaho ag sa oeobrahon sa baeay.
Indi masyadong mag-isip ag maging aburido.
Maging mas mapasensiya.
Obrahon eang ro masarangan nga obrahon.
Magkaon sa tamang oras ag pili-on ro mga masustansyang pagkaon kapareho it tinuea, prutas af isda.
Mag-inom it 8-12 basong tubi kada adlaw.
Mag inom it multivitamins.
Maging positibo ro panan-awan.
Magpangamiyo sa agahon ag magpasaeamat sa Diyos sa mga grasya nga gintau nana katon.
Magpakonsulta sa doctor eabi eon kon may sakit kapareho it diabetes, altapresyon, ag iba pa.