Bumunae eon sa masobra 1.2 million pesos ro ginpaguwa nga pabuya it mga natungdan sa sinumang makaturo sa manakaw nga nakapatay sa Chief of Police it San Miguel, Bulacan.
Ginkilaea ro biktima nga si Police Lieutenant Colonel Marlon Serna.
Si Serna hay ginbaril sa ueo it owa pa nakilaeang suspek kat magpatigayon raya it police operation sa San Ildefonso , Bulacan ko Sabado it gabi-e.
Magatao man it P300,000 nga pabuya ro Police Regional Office 3 sa pagpanguna ni Director Police Brigadier General Jose Hidalgo Jr , samtang P500,000 man maghalin sa Department of Interior and Local Government ag ro P200,000 hay maghalin man sa Philippine National Police.
Magatao man it dugang nga P200,000 nga pabuya ro Gobernador it Bulacan nga si Daniel Fernando.
Ro daywang suspek hay mga manakaw sigon ag nakasakay ro mga raya sa sangka motorsiklo kat magpaeupok ag tinamaan patay si Serna.
Nadaeasa man sa insidente ro 17 year old nga binatilyo ag nag-angkon raya it nina sa anang parte it kaeawasan.
