Gintapatan it Phoenix Suns ro paghana it Indiana Pacers nga sumbilan it 4-year ukon kapin sa $133 million offer sheet sa center nga si Deandre Ayton.
Ginasugid nga ro pagsumbil it Pacers ro ginakabig nga pinakamabahoe nga offer sheet sa kasaysayan it NBA.
Apang madasig man nga ginsabat raya it Suns nga naging daean para makabalik uman sa franchise ro restricted free agent nga si Ayton.
Una kara, owa nagpakita ro Phoenix it ano man nga klase it indikasyon para sa negosasyon ag maka-angkon it sign-and-trade agreement antes ro pagsumbil kara it Indiana para sa offer sheet.
Engkaso nga napaseawan ro Suns nga pagatapatan ro ginpaguwa nga mabahoe nga haega it kwarta it Pacers hay ro pagkaduea kunta it andang dating No. 1 overall pick ku nagtaliwan nga 2018 sa NBA draft.
Sa pihak nga parte, madumduman nga mabahoe ro haega it naging role ni Ayton sa Phoenix defense tag umabot sanda sa 2021 NBA Finals sa unang kahigayunan umpisa ku nagtaliwan nga dag-on it 1993.
