Idto eon sa South Korea si dating senator Manny Pacquiao para sa exhibition fight nana kay DK Yoo.
Igapatigayon ro hampang it daywa sa Disyembre 10 sa Korea International Exhibition Center.
Sa pag-abot pa eamang sa paeoparan hay ginsug-aeaw raya it pilang mga Filipino nga idto naga-istar ag nagatrabaho kamana man maging ro mga Korean nationals hay nakipag-selfie pa sa dating senator.
Madumduman nga ko nagtaliwan nga dag-on hay nagretiro eon sa boxing si Pacquiao nga may record nga 62 nga daog, waeong pyerde, daywang draw ag 39 nga knockouts.
Ro madag-an nga premyo sa nasambit nga hampang hay igatao ni Pacquiao sa charity.
Mag-eowas pa sa hampang it daywa hay may pilang nakataeanang undercard nga ginakaeakipan it hampang ni Jose Luis Castillo Jr. kay Min Guk Ju; Nico Hernandez vs. Jae Young Kim; Min Wook Kim kontra kay Marcus Davidson; Abel Mendoza vs. Cristian Ruben Mino ag Sean Garcia vs. Seung Ho Yang.
