Kalibo Aklan——-Kumasa eon si Senator Manny Pacquiao sa ayat ni Pangueong Rodrigo Duterte nga ituro kana ro opisina it gobyerno nga eakot sa kurapsyon.
Ginpahayag it Senador nga mismong ro Presidente ro naghambae ko Oktubre 27, 2020 nga mas kapin pang naga-grabe ro kurapsyon rason nga itutok nana ro nabilin nga tiyempo sa pagserbisyo para suk-ean ro kurapsyon.
gin-una it fighting senator nga kuwestiyunon ro Department of Health (DOH) kon sa siin ginkutana kara kay DOH Secretary Francisco Duque kon sa siin naadto ro mga kwartang ginagastos para sa pandmenya.
Ginkasubo pa it Senador nga ham-an it sa kurapsyon pa sanda nagdiskusyon bangud mas kinahang-ean it nasyon ro lider nga nagasukoe kara.
Madumduman nga ko Lunes it gabi-e kat akig nga gin-ayat it Presidente ro Senador nga parehong kapartido sa PDP-Laban nga ituro kana ro opisina nga may nagakatabong kurapsyon.
Insigida sigon nga paga aksyunan it Presidente ro opisina ag engkasong uwa it maituro ro Senator hay igakampanya it Presidente nga inde pag-iboto si Pacquiao.
