-- ADVERTISEMENT --
National News ———Para mapamatud-an nga bukon it “watusi” ro anang pasabog sa nagakatabong korupsiyon sa pilang ahensiya it gobyerno, ginpahayag ni Senador Manny Pacquiao nga magapaguwa imaw it ebidensiya nga video ag audio recording.
Sa sangka interbyu, ginpahayag ni Pacquiao nga igapaguwa nana ro video ag audio recording kung magbalik eun raya sa Pilipinas matapos ro hampang nana kay Errol Spence Jr. sa Amerika sa Agosto.
Una kara , ginpakamaisot eang ag gintawag nga “watusi” ni presidential spokesperson Harry Roque ro ginhimong pagbulgar ni Pacquiao sa sigon hay korupsiyon sa gobyerno kaibahan eun ro Department of Social Welfare and Development, Department of Health, ag Department of Energy.
