KALIBO, Aklan — Kumpiyansa si 1st district provincial board member re-electionists Soviet dela Cruz nga makaron nga tapos eon ro eleksyon ag naproklama eon ro mga nagdaog sa probinsiya it Aklan hay makaangkon eon it healing process ag pagbilog it uman para sa kamaeayran it tanan.
Suno kana nga kada eleksyon hay may mga magpamilya ukon mag-amigo nga namanchahan ro relasyon .
Kabay suno kana nga mas maging madasig ro reconciliation nga kon sa siin dapat nga ro mga winning candidates ro maghimo it unang tikang agud nga maayos ro mga bagina.
Samtang, nagaeaum imaw nga mabuytan gihapon ro chairmanship sa committee on agriculture bangud nga maabu pa ro dapat nga obrahon ag mapadayun nga mga naumpisahan nga programa ag mga proyekto .
Si dela Cruz hay pangatlo sa mga nagdaog sa SP members sa unang distrito sa boto nga 62,620.
