-- ADVERTISEMENT --
KALIBO, Aklan—Ginpamalibaran it pamunuan it Kalibo International Airport ro napabalitang padayon nga nagabaton it direct flights sa nasambitang paeoparan pasueod ag paguwa it China.
Suno kay Civil Aviation Authority of the Philippines (CAAP)-Aklan manager Engr. Eusebio Monserate Jr., “fake news” sigon ro nasambitang impormasyon nga nagtuga it kahadlok sa tunga it ginabantayang 2019 novel Coronavirus acute respiratory disease (nCoV ARD).
Gin-insister kara nga halin ko Pebrero 2 hay kanselado eon ro tanan nga mga flights sa mainland China, Hong Kong ag Macau kasunod sa ginpaeawig nga travel ban ni Pangueong Rodrigo Duterte.
Nag-apela man raya sa publiko nga likawan ro pagpakalhit it saea nga mga impormasyon nga magatuga it panic sa tanan.
-- ADVERTISEMENT --
