Ginaeauman nga maga-atubang makaron nga adlaw it Biyernes, Setyembre 25, si Senator Robin Padilla sa Department of Justice para sa preliminary investigation angot sa reklamong obstruction of justice nga ginpasaka kontra kana ag iba pa.
Base sa report, paga-ibhan si Padilla it pilang opisyal ag miyembro it PDP-Laban, Duterte Youth, Inday Sara Duterte Advocacy, Eagle’s Brotherhood ag mga lider it Muslim community.
Magatililipon sigon ro mga raya sa guwa it nagapangunang taeatapan it DOJ sa Padre Faura, Ermita, Manila agud nga ipakita ro suporta sa senador.
Gindihon it PNP-CIDG ro reklamo angot sa alegasyong nagbulig si Padilla ag iba pang respondent kay Senator Ronald “Bato” dela Rosa nga makalikaw sa pag-aresto matapos magpaguwa it warrant ro International Criminal Court kontra sa dating hepe it PNP.
Ginklaru man it DOJ nga ro pagpadaea it subpoena hay owa nagakahueugan nga napamatud-an nga nagkasaea ro mga respondent. Sa preliminary investigation, pagataw-an sanda it kahigayunan nga sabton ro mga alegasyon ag magsumite it ebidensya.
Mag-eowas sa Setyembre 25, gintaeana man ro pag-atubang it mga respondent sa DOJ sa Oktubre 9.
