KALIBO, Aklan – – – Gin wakasan it sangka 32-anyos nga padre de pamilya ro anang kabuhi pinaagi sa pagbigti sa Brgy. Pinamuk-an, New Washington, Aklan.
Nadiskubrehan it anang ama nga nakabitin ro biktimang si Joel Navarro, residente it nasambitang lugar sa sueod mismo it andang baeay gamit ro eubid.
Base sa report it pamilya sa New Washington Police Station, gin aywanan sigon it anang misis ro biktima matapos nga mabo-oe ro kwarta nga naghalin sa 4P’s ag owa eon raya nakabalik.
Nasayuran nga bago ro insidente, nakipag-inuman pa sigon si Navarro sa anang mga barkada.
Samtang, marital problem man ro nakikitang dahilan nga nagtueod sa biktima agud tapuson kara ro kaugalingon nga kabuhi.
Padayun man nga gina imbistigahan it kapulisan ro nasambitang insidente.
