Mahugot nga ginkondena ni Kabataan Partylist Representative Atty. Rene Co ro naging pahayag ni Department of Interior and Local Government (DILG) Secretary Jonvic Remulla nga i-abolish ro Sangguniang Kabataan (SK).
Suno kana, mabuhay eon nanda nga gin-tumod nga ro dapat i-abolish hay ro political dynasty. Masami sigon nga uwa it nagiging choice ro kabataan ag napipilit eon lang sanda nga mapaidaeom sa bulok nga sistema.
Paathag nana nga ro kinahangean nga matabo hay ro indi kakasan it pamaagi ro kabataan nga mag-serbe kundi dapat ayuson ro mismong sistema.
Dugang pa nana, minatuod man sigon nga nagagamit ro kabataan sa politika bangud nga maabong positibong aspeto ag ginapag-agawan it mga reactionary forces ag tanan nga may buyot it kapangyarihan. Hangkat man sigon sa kabataan kun paalin gamiton ro andang kapasidad, talento, ag ro enerhiya para mag-tao it minatuod nga serbisyo sa pumueuyo bangud nga masami nga gina-hambaean nga indi eon magsukoe ag mag-sunod eon lang sa gobyerno.
Bukon sigon it sabat sa korapsyon ro pag-kakas sa SK kundi ro dapat hay ro pagkakas sa political dynasty.
