KALIBO, Aklan–Ginaeauman eon ro mas pang pagbuhos it mga pumueoyo sa palibot it Buckingham Palace matapos ro pag-abot it bangkay ni Queen Elizabeth II halin sa Scotland.
Ro bangkay it pinakamabuhay nga reyna it Britanya hay ginsakay sa Royal Air Force C-17 transporter plane sa Northolt.
Suno kay Bombo International Correspondent Ramil Isogon nga nakaangkon it matag-od nga seremonya sa paeuparan antes ginsakay sa karo ro bangkay ni Queen Elizabeth paadto it Buckingham Palace.
Kung siin, ginsug-aeaw man raya it Royal Family.
Nakataeana man nga iga-biyahe pinaagi sa public procession ro bangkay ni Queen Elizabeth halin Buckingham Palace paadto it Westminster hall pasado alas-2:00 it hapon sa Setyembre 14 (oras sa London).
Raya hay pagapangunahan ni King Charles III kaibahan ro mga miyembro it Royal family.
