Owa ginakabig nga problema it Senate Impeachment Court ro absence ukon owa pagtambong it pilang mga senador-judges sa trial.
Sa daywang sunod-sunod nga adlaw it impeachment trial, absent sanday Senator-judges Loren Legarda ag Alan Peter Cayetano samtang nakahingagaw man kahapon nga trial si Senator-Judge Bong Go.
Ginduea man ni Senate Impeachment Court Spokesperson Atty. Reginald Tongol ro pagkabaeaka sa attendance it mga senador-judges.
Ginpaathag ni Tongol nga posibleng bangud sa personal nga rason ag iba pa nga trabaho bilang senador ro pag-absent it senador-judges.
Suno kana, posible eamang nga makaangkon it problema kon owa it bastante nga quorum, nga mangin rason kon ham-an nga indi pwede nga mapatigayon it impeachment court ro trial.
Sa pihak nga parte, ginpahayag ni Senate Secretary Renato Bantug Jr. nga nagsueat ro opisina ni Legarda agud ipahisayod kana nga naka-medical leave ro senador makaron nga domingo.
