Ginpaathag ni Atty. Harry Sucgang nga nakaangkon it technicalities rason nga naabswelto sa kaso ro panganay nga onga ni Department of Justice Sec. Jesus Crispin Remulla.
Bukon eon suno kana it saea it akusado kon bukon it mabaskog ro ebidensya kontra kana.
Engkaso sigon nga uwa nadumaeahan it eksakto ro pagkaaresto kana ag mahinay ro pagpamati sa anang kaso hay makabig raya nga factor sa dissmissal it anang kaso.
Una kara, ginbasura ni Las Piñas City Regional Trial Court (RTC) Branch 197 Executive Judge Ricardo Moldez II ro kasong pag-eabag sa section 11 article 2 it Republic Act 9165 ukon Illegal possession of dangerous drugs Act kontra kay Juanito Remulla.
Sa 34 nga panig it mandato ni Judge Moldez, nakabeahag kara ro pagkabasura it anang kasa bangud sa reasonable doubt ukon may pag-aeang aeang.
Nag-ugat ro kaso ni Remulla sa sangka controlled delivery nga ginpatigayon it Philippine Drug Enforcement Agency (PDEA).
Nakumpiska sa anang bagahe ro high grade marijuana ukon kush nga nagaabot it 900 grams nga may street value nga P1.3 million nga naghalin sa ibang nasyon.
Madumduman ng naaresto si Juanito it Philippine Drug Enforcement Agency it Ninoy Aquino International Airport Inter-Agency Drug Interdiction Task Group sa Talon Dos, Las Piñas ko October 11, 2022.
