HEALTH News– Ginka-alarma it manaba nga kapueongan it kongreso ro pagiging ikaywa it breast cancer bilang nagapangunang rason it pagkamatay sa linya it mga Pilipina.
Gintumod ni House Committee on Science and Technology Vice Chairperson ag Cavite 8th District Rep. Aniela Tolentino ro datos it Philippine Statistics Authority (PSA) ag Department of Health (DOH) nga tatlo sa kada 100 Pinay hay naga-develop it breast cancer sa andang kabuhi.
Mag-eowas kara, ginpamilit ni Tolentino nga mas paeaparon pa ro “information dissemination campaign” ag mga programa agud nga masabat ro padayun nga pagtaas it kaso it breast cancer sa Pilipinas.
Ro apela ni Representative Tolentino hay natiempo man sa paglunsar it “Breastie Bestie Health Caravan” nga nagatuyo nga magtau ag magpabaskog it kasayuran angot sa breast cancer, ag “advances” sa siyensya para mabueong ro mga pasyente.
Ginmitlang pa ni Tolentino nga kabulig it programa ro Asian Breast Center, kun sa siin libre ro breast cancer screening pinaagi sa modernong diagnostic technology kapareho it state-of-the-art nga mga makina nga “touch-free, pain-free ag radiation-free” para sa mga magapaidaeum sa exam.
