KALIBO, Aklan–Makabig nga sangka pribado ro pag-adto ni Pangueong Ferdinand “Bongbong” Marcos Jr. sa Singapore para magtan-aw it Formula One Grand Prix.
Suno kay Bombo International Correspondent Mercy Cacan it Singapore nga owa it ginpagguwa nga anumang anunsyo ro Philippine Embassy angot sa pag-abot it pangueo.
Apang, nauna eon sigon raya nga gin-imbitahan ni Prime Minister Lee Hsien Loong para magtan-aw sa nasambit nga event.
Nasayuran eamang sigon nanda nga idtu ro presensya it pangueo matapos nga magkalhit sa social media ro pilang ka mga litrato kaibahan ro mga mataas nga opisyal it gobyerno.
Ro Formula One Grand Prix hay sangka dag-unan nga event nga ginahiwat sa sueod it tatlong adlaw sa bahin it Marina Bay Street Circuit.
Temporaryo eamang sigon raya nga napaiway it daywang dag-on matapos ro pagpanaeasa it COVID-19 pandemic.
