KALIBO, Aklan—Ginabawae sa gihapon ro pag-agi it mga agricultural equipmets kapareho it mga traktura ag mga harvesters sa national highways sa tanan nga mga lugar sa nasyon.
Raya ro ginklaru ni P/Capt. Nathaniel Florendo, hepe it Highway Patrol Group ukon HPG-aklan.
Raya hay sandig sa Republic Act 4136 angot sa Land Transportation and Traffic Code.
Ro mga traktura sigon hay kinahangean nga ikarga sa mga trailer trucks kun igasaylo sa ibang lugar ag maga-agi sa highway bangud nga raya hay naka-rehistro sa Land Transportation Office.
Sambilog sigon raya sa mga nagiging rason it disgrasya sa karsadahon bangud nga masyadong mahinay ro mga farm equipments nga gintaeana eamang sa mga kaumahan.
May mga nasita eon sigon sanda sa probinsiya it aklan eabi pa ag tiempo makaron it tig-aeani.
Samtang, gindugang pa ni Capt. Florendo nga nakipagpueong eon man sanda sa mga nagapanag-iya it agricultural equipments agud nga ipadumdum sa mga raya ro naga-eksister nga sueundanan. Ro mga naga-eabag hay iga-impound ro saeakyan ag ginatugyan nanda sa LTO ro pagpapanaog it multa.
Samtang, gindugang pa ni Capt. Florendo nga mas nanda nga ginpabaskog ro andang kampanya sa pagpatuman it batas trapiko.
Padayun man ro pagpadumdum sa mga tricycle drivers nga pirmeng mag-agi sa slow moving vehicle lane it national highway.
