Ginaduso ni Camarines Sur Representative LRay Villafuerte ro pag-amyenda sa 1987 Constitution sa pamaagi it Constitutional Convention (Con-con).
Sa House Bill 4926 ukon Constitutional Convention Act nga gindihon, ginpahayag ni Villafuerte nga tuyo kara nga i-anggid sa tyempo ro mga probisyon it Konstitusyon bangud maabu eon ro nagbag-o sa masobra tatlong dekada matapos mapabakod ro1987 Constitution.
Sa proposisyon, ro mga miyembro it Con-con hay nailihir ag iga-dungan sa eleksiyon it Barangay ag Sangguniang Kabataan elections kung madayun sa 2023 ukon sa midterm elections sa 2025.
Ro Commission on Elections ro magabilog it implementing rules and regulations it pagahiwaton nga Con-con elections.
Ro sinumang delegado it Con-con hay indi pwedeng mabutang sa ibang government position samtang owa pa natapos ro sesyon it Con-con ag sang dag-on halin sa plebesito sa igapatawag para sa charter change.
Ro mga magadaog nga delegado it Con-con hay pagataw-an it daywang dag-on para matapos ro pagrepaso sa Saligang Batas.
