KALIBO, Aklan—Ginpasugtan eon it gobyerno ro pag-angkas sa motorsiklo nga uwa it nakabutang nga barrier ukon harang sa tunga it driver ag angkas kara.// suno kay Joint Task Force commander Lt. Gen. Guillermo Eleazar, nga may mga kondisyong gintaeana ro National Task Force (NTF) against COVID-19 nga pagasundon it mga riders.
Sambilog eon kara nga ro dapat magka-angkas nga uwa it divider hay kon naga-istar sa sangka panimaeay.
Ro mga driver ag angkas kara nga uwa naga-istar sa sangka baeay hay kinahang-ean gihapon nga maggamit it harang ukon barrier.
Ro mga rider mat-a nga may angkas nga essential workers hay pwedeng bukon it APOR ukon authorized persons outside residence.
Dapat man nga ro motorsiklo hay privately owned ag uwa ginapamasada.
Importante man nga nakasuksok it face mask ro rider ag angkas kara para inde sanda pagdakpon ag pamultahon.
Ginapaubaya man ni Eleazar sa kada local government units kon pagasundon ro ginapatuman nga sueondanan sa pag-angkas.
Madumdumang nag-angkon it batikos ro planong pagbutang it PNP ag Department of Interior and Local Government (DILG) it mga barrier nga nakabutang sa driver para malikawan ro pagkalhit it virus.
