Para sa mga may mabahoe nga tiyan, nasayuran baea ninyo nga may maeain raya nga tuga sa atong ikamayad nga eawas.
Ro tambok sa tiyan hay kaeabanan nga makita sa mga kasudlan.
Raya ro ginatawag nga visceral fat nga nagatuga it mga seryosong peligto sa atong ikamayad nga eawas.
Posible raya nga magtuga it sakit sa puso, type 2 diabetes, high blood pressure, mataas nga cholesterol ag kabudlay sa pagginhawa.
Agud nga mabuligan nga mag-isot ro tiyan ag maging healthy, magkaon it mga masustansiyang pagkaon kapareho it prutas, tinuea ag whole grains.
Bawasan ro pag-inom it mga matam-is nga ilimnon.
Bawasan ro pagkaon it mga matambok, maaaeat ag mamantikang pagkaon.
Ag makaangkon it regular nga ehersisyo agud nga makabulig sa pagtunaw it tambok sa tiyan.
