Kalibo Aklan——-Bangud sa pandemya nga naeksperyensiyahan sa bilog nga kalibutan, owa naging madali para sa gym-goers ro makapag-workout bangud sa mga quarantine restriction ag health protocol nga ginapatuman sa nagkaeain-eain nga parte it kalibutan.
Apang nasayuran baea ninyo, masarangan eon ro pag angkon it hunk nga eawas sa China?
Bangud nga pwede eon nga makabakae sa mga Chinese online shopping platforms kapareho it Taobao ro ginatawag nga realistic muscular body suits!
Sa bulig it silicone body suits nga himo it Chinese company nga Smitizen, madali eon nga makaangkon it machong eawas nga indi maga agto sa gym.
Realistic ro pagkahimo kara ag indi mahalata sa mga litrato nga raya hay peke.
Nagabalor raya it 790 yuan (katumbas it P5,600 pesos) hasta 3980 yuan ukon P29,700 pesos ro silicone suits depende sa size ag quality.
Daywang dag-on eon nga ginpaguwa it Smitizen ro nasambit nga produkto sa merkado apang kan-o eamang gin-istoryahan ag naging viral sa mga social media websites matapos mataeupangdan it online sellers nga nagiging madahlog raya makaron nga pandemic.
Sa makaron, owa pa it may nagabaligya it silicone body suits sa mga online shopping platforms sa Pilipinas.
