May mga talimad-on nga ro mga tawong ginatimos-timos sa mata hay ro mga nagapanglingling.
Apang suno sa mga ekspero nga owa raya it kamatuoran.
Ro timos-timos ukon sty sa english hay sangka masakit ag mapueang impeksyon sa pilok it mata nga kapareho sa sangka punggod ukon uyapos.
Ro mga rason it timos-timos hay ro pagsueod it mikrobyo sa mata pinaagi sa nabo-oe nga pilok.
Ro paggamit it luma ukon expired nga make-up, ro owa pagbo-oe it eye make-up sa gabi-i, ag ro pagbuyot sa mata it mahigku nga alima.
Agud nga magmayad ro timos-timos, obrahon ro mga masunod: butangan it hot compress ro timos-timos.
Sa timos timos ukon uyapos man hay may mabahoe nga bulig ro hot compress sa pagpamayad kara.
Mas magahumok ro timos-timos ag magadasig ro anang pagbuswang.
Pwede man nga patueu-an it antibiotic eye drops ro mata.
Agud nga makalikaw, indi masyadong mag-make-up sa mata ukon maggamit it eyelash curlers.
Kun ikaw hay may contact lens, indi anay raya paggamiton.
Ipilak ro mga lumang make-up.
Indi ipagamit ro make-up sa iba ag basi kamo nga magtaeapnan.
Pirmeng maghugas it alima ag maggamit it sabon.
Tandaan, sa inyong alima man nagahalin ro impeksyon it inyong timos-timos.