KALIBO, Aklan ——Welcome development sa lokal nga gobyerno it Malay ro pag-apruba it Boracay Inter-Agency Task Force sa saliva reverse transcription-polymerase chain reaction (RT-PCR) test para sa mga turistang gustong magbakasyon sa isla it Boracay.
Sa sangka text message, ginpahayag ni Malay Mayor Frolibar Bautista nga mabuhay eun nandang ginahueat ro pagpaguwa it nasambitang desisyon bilang alternatibo sa nasal swab test.
Kainang agahon hay gintalakay it Boracay IATF ro nasambitang hingyo it LGU-Malay ag mga stakeholders.
Ginaduso it paggamit it saliva test bangud haeos 50 porsiyentong mas barato kumpara sa ginapangayo nga swab test.
Mag-euwas kara, madasig man ro pagpaguwa it resulta it tatlo hasta ap-at nga oras kumpara sa 12 hasta 24 oras para sa swab testing.
