KALIBO, Aklan — Nagapati si Atty. Harry Sucgang, political analyst sa Aklan nga nag-agi sa tamang proseso ro pag-aresto ag pagpa-deport kay dating Negros Oriental Representative Arnolfo “Arnie” Teves halin sa Timor Leste.
Suno kana nga medyu nabuhayan eang ro pagpa-deport kana bangud sa anang naka-pending nga aplikasyon para sa political asylum.
Dugang pa nga nagdeklara sigon ro nasambit nga nasyon nga sangka paeag sa andang national security ag public order ro presensya ni Teves bangud sa mga mabug-at nga akusasyon kontra kana kamana man ro anang kawad-an it legal nga awtorisasyon nga magpabilin idtu matapos kanselahon it Pilipinas ro anang passport.
Madumduman nga gindaeahig si Teves sa pagpatay kay Negros Oriental Governor Roel Degamo, ag waeong iba pa maskin nga hugut nana raya nga ginapamalibaran.
