Kalibo Aklan ——-Maskin nga uman nga nagbalik ro pag-atake it mga pesteng ueod nga fall armyworm sa mga tanum nga mais, apang kontrolado eon raya makaron.
Suno kay Uriel Laspenas, Municipal Agriculture Officer it LGU-kKalibo nga ro Barangay Mobo eamang ro nakalista makaron it pagpanaeasa it peste .
Ginpahayag dugang nga temporaryo nanda nga ginpapundo ro pagtanum it mais kat una raya nga umatake rason nga natapna ag gin-divert ro mga mangunguma sa pagtanum it mga tinuea .
Madumduman nga nagpanawagan ro mga apektadong mangunguma it bulig rason nga nag-request sanda it pondo nga naga-abot sa 200,000 pesos nga ginbakae it farm inputs kapareho it pesticide ag sprayer.
Mag-eowas kara, nagpadaea man it pondo ro Department of Agrilculture bilang COVID response.
Nagpadaea man it representante halin sa Regional crop protection agud nga magtau it libreng training/seminar sa mga mangunguma.
Samtang, ginlayganan man nana ro mga farmers nga likawan ro sobrang paggamit it abono nga urea eabi eon makaron nga tiempo it tag-uean bangud nga posibleng makasamad man raya sa tanum .
