NATIONAL News — Ginahinyu makaron ni House Committee on Labor and Employment Chairman ag Rizal 4th District Representative Fidel Nograles kay Presidente Ferdinand “Bongbong” Marcos Jr., nga i-certify nga urgent ro hagna para sa pagtaas it sweldo it mga minimum wage earners.
Gin-insister ni Nograles kay Presidente Marcos nga kinahangean gid it mga Filipino ro wage increase sa tunga it nagataas nga lebel it gutom ag nagataas nga pamasahe.
Suno kay Nograles, natapos eon ro pagrepaso it Regional Tripartite Wages and Productivity Board sa wage increase proposals ag ro kinahangean makaron hay ro aksyon it presidente.
Ginpaathag ni Nograles nga kun iga-certify raya ni Marcos, mabahoe ro tsansa nga maipasa ro hagna para sa pagpataas it sweldo sa pagbalik it session it kongreso sa Hunyo.
