Maga-umpisa sa 2028 ro construction it dugang nga power plant sa Visayas area bilang sabat sa kakueangan sa kuryente.
Suno kay Department of Energy Sec. Sharon Garin, kaeakip sa nasambit nga power plant ro tatlo nga may baseload nga tig-150 megawatts nga igatukod umpisa sa 2028, 2029 ag 2030.
Kaeakip sa dugang nga mga power plant ro expansion it Palm Concepcion Power Corporation (PCPC) sa Concepcion ag Panay Energy Development Corporation (PEDC) sa siyudad it Iloilo.
Mag-eowas kara, may Hydro ag Solar power plant man nga igatukod sa probinsiya it Iloilo.
Ap-at man nga 50 megawatts nga battery system ro igabutang sa Panay, Negros, Cebu ag Bohol nga kaparte it temporary solution sa problema sa kakueangan it kuryente nga paga-umpisahan makaron nga buean it Hulyo ag magabuhay it sang buean.
Ko nagtaliwan nga Hulyo 17, ginlunsar it DOE ro “Oras Natin sa Enerhiya” ukon ro O.N.E. campaign nga naga-engganyo sa government office, private establishment ag mga residential houses sa pagpatay it mga appliances ag iwag nga bukon it importante sa sueod it sang oras, umpisa alas-8 hasta las-9 it gabi-i.
