Pag-eapnaag it monkeypox sa bilog nga kalibutan, indi dapat ikabaeaka – WHO

Ginpaathag it health officials nga nagapabilin pa gihapon nga manaba ro daea nga peligro it monkeypox nga nagakalhit makaron sa general population.

Posible sigon nga mapundo ro transmission kara sa guwa it mga endemic nga nasyon sa Central ag West Africa.

Ginpahayag it World Health Organization (WHO), mas sangkiri sa 200 ro nakumpirma ag ginapatihan nga mga kaso ro nailista halin ko unang parte it Mayo sa Australia, Europe ag North America nga nagtuga it pagkabaea angot sa pagkalhit it sakit.

Maskin nga kilaea ro monkeypox sa sueod it 40 anyos, ginpahayag it ahensiya nga raya ro unang kahigayunan nga nakaangkon it pilang kaso sa maabu nga mga nasyon.

Ro sakit hay ginakabig nga endemic sa 11 mga nasyon sa Africa.