KALIBO, Aklan–Bukon eamang it nagkaeain-eain nga partido ro nagabanggaan kada eleksyon sa nasyon kundi pati ro magka-dugo hay naga-engkwentruhanay sa pareho nga posisyon.
Raya ro naging reaksyon ni Libacao Mayor Charito Navarrosa sa pag-file it certificate of candidacy ukon COC it anang first cousin nga si incumbent Sanggunaing Bayan member Napoleon Navarrosa sa pagka-alkalde nga maga-engkwentru kana.
Makabig sigon raya nga normal ag owa it dapat nga ikabaeaka.
Suno kay mayor navarosa nga nakadepende eon sa mga pumueuyu ro pagdesisyon sa maabot nga eleksyon.
Gindugang pa kara nga sa sueod it haeos 20 anyos nga pagpanerbisyo hay bukon eamang it peace and order ro anang naayos kundi pati ro pagbangon it ekonomiya it Libacao pinaagi sa pag-usoy it buyer it andang mga produkto kamana man ro pag-abu it mga infrastructure projects ag libreng edukasyon sa kolehiyo.
Ginpabugae man nana ro view point it manika nga ginadagsa makaron it mga pumueuyu.
Sa pihak nga parte, haeos 19 sigon nga nagdihon it COC sa pagka-konsehal ro nagpaidaeum sa anang grupo kun sa siin kaabuan hay mga independent candidate.
