Ginpaiway it Pag-IBIG ro nakaplanong pagtaas it kontribusyon sa 2024 para mabuhinan ro epekto it pagtaas it gastos sa mga Pilipino.
Suno kay Pag-IBIG Fund Chief Executive Officer Marilene Acosta, ginsuspinde hasta 2024 ro planong P100 contribution hike, nga paeariho nga pagatungaon it mga miyembro ag employer.
Apang ginpahayag ni Acosta nga ro konsultasyon sa mga employer hay magapadayon sa gihapon sa masunod nga dominggo para maipakita kanda ro nakaplanong pagtaas para sa 2024.
Ginpahayag dugang pa kara nga ro mga plano para sa pagtaas sa 2024 hay igapatubadngon sa Pag-IBIG Board sa buean it Marso antes ro pagpaguwa it mga sueundanan nga gintaeana ko June 2022.
Nauna eon nga ginsuspinde it Philippine Health Insurance Corp (PhilHealth) ro planong pagtaas it kontribusyon makaron nga dag-on sa mandu ni Pangueong Ferdinand Bongbong Marcos Jr. Bangud sa hangkat it kondisyon sa ekonomiya.
Samtang ginpahayag man ni Social Security System President and Chief Executive Officer Michael Regino nga kumpiyansa iamw nga indi pagapunggan it Malacanang ro planong 1 percent increase sa kontribusyon makaron nga dag-on.
Mag-eowas kara, ginpahayag man kara nga ro pagtaas it kontribusyon para sa 2023 ag 2025 hay makabulig sa pagpahaba it actuarial life it pondo hasta 2054.
