Mas pang ginpabaskog makaron it Highway Patrol Group ukon HPG Aklan ro pag-implementar sa Presidential Decree No. 96 ukon pagbawae sa mga modified muffler nga tambotso ag sa mga ginagamit nga LED lights it mga motorista bangud sa nataeopangdan nga raya ro nagapangunang rason it mga disgrasya sa daeanon.
Suno kay PSSgt. Hitler Villanueva it HPG Aklan, may mandato sanda nga i-aprehend ro mga motorista nga nagaeabag sa nasambit nga laye bangud nga mag-eowas sa nagakriar it sangag hay eubusan pa raya nga nagadisturbo sa nagakatueog partikular sa gabie.
Ro mga behikulo nga nagagamit it LED lights hay posibleng maaksidente ro kasub-eang kara bangud sa masyadong mahayag ag uwa sa ayos ro pagbutang it mga drivers.
Ginpahayag dugang ni Villanueva nga may mga reflectors ro motorista nga uwa nagaangay sa anda nga behikulo nga kon maiguan it iwag hay nagakriar it kasilaw sa kasub-eang nga pwedeng tunaan it disgrasya.
Bangud kara, magapatigayon sanda it mga pagpangsita sa daeanon ag posibleng mataw-an it penalidad ro mga madakpan nga maga-eabag sa nasambit nga laye
