Nagapati si Mr. Jun Beltran, presidente it Kalibo shopping center vendors association nga ro igaimponer nga 2 percent surcharge it Aklan Electric Cooperative ukon Akelco sa mga electric bill it member-consumer nga inde makabayad sa eksaktong tyempo hay agud nga inde ro mga raya magpabaya-baya sa andang obligasyon.
Mabahoe nga bagay suno kana ro igapatong nga 2 porsyento eabi eon kon mabahoe ro baeayran.
Apang, raya sigon ro nakikita nga pamaagi it kooperatiba agud nga maobliga ro mga konsumidor nga magbayad sa tama nga oras.
Aminado si Beltran nga may kahigayunan nga nadedelay man ro anang bayad bangud sa kasakuon.
Apang, may disconnection notice nga ginaabiso ro Akelco rason nga naoobliga sanda nga magbayad eagi.
Kon sa eksaktong duedate magbayad hay inde man igaimponer ro 2 percent nga surcharge rason nga kinahang-ean gid nga obligahan ro baeayran para inde makaangkon it penalidad.
