INTERNATIONAL News — Nag-umpisa eon ro Japan sa pagpatigayon it research agud nga matun-an ro posibilidad nga maistaran ro buean.
Nagtingub it pwersa ro Kyoto University ag construction giant Kajima Corp, sa plano kara nga i-develop ro sangka lunar habitat nga makasarang nga maghimo it artificial gravity.
Tuyo it “Neo Lunar Glass” project nga makahimo it paraboloid structure nga masarangan nga tuearon ro Earth-like conditions sa paggamit it rotation sa pag-obra it gravity.
Ginaeauman nga makumpleto sa 2030 ro ground-based prototype.
“This project demands a significant technological leap, but we aim to achieve it and pave the way for space colonies,” pahayag ni Yosuke Yamashiki, professor it advanced integrated studies in human survivability sa Kyoto University.
Ro Lunar Glass structure hay makaangkon it sukat nga 200 metro sa diameter, ag 400 metro ro kataason nga masarangan nga magbaton it 10,000 nga katawo.
Ginaeauman nga igalunsar ro proyekto sa makaron nga fiscal year.
