Pag-park it mga saeakyan sa national highway, hugot nga ginabawaean

Kalibo Aklan———–Hugot nga ginabawaean ro pag-park it mga saeakyan sa national highway.

Raya ro ginpahayag ni Pssgt. Hitler Villanueva it Highway Patrol Group (HPG-Aklan).

Suno kana nga ro national highway hay pampublikong lugar rason nga owa it sin-o man nga dapat mag-aywan it anang saeakyan agud nga malikawan ro aksidente .

Posible man nga  magapangatubang it penalidad ro tag-iya it saeakyan nga  naka-park sa national highway engkasong mapamatud-ad sa korte nga may kahilabtanan raya sa natabo nga aksidente.

Sa pihak nga parte, ginpahayag pa ni  Villanueva nga hugot man nga ginabawaean ro mga slow moving vehicle nga mag-agi sa tunga it highway ag dapat hay una eamang raya sa pinakabinit nga  bahin it karsada.