Kalibo Aklan ——Pag-promote it Proper waste Management ag pag-preserbar sa palibot ro adbokasiya makarun it opisyal nga pambato it Aklan sa Miss Universe Philippines 2020.
Suno sa 25-anyos nga si Christelle Abello maghalin sa Tigayon Kalibo ag representante it probinsya sa Miss Universe Philippines 2020, anang pagatutukan ro tama nga pagseparar it mga basura ag pag-alaga sa palibot kung imaw hay pagataw-an it tyansa nga magdaog bilang representante it Pilipinas sa Miss Universe 2020.
Raya hay bangud nagapati sigon imaw nga kinahangean alagaan ro kuminidad bukon eamang it para sa kaugalingon kungdi mangin sa mga masunod nga henerasyon.
Ginpabutyag dugang nga anang pagagamiton nga alas sa pagsabak sa nasambit nga pageant ro anang eksperyensa sa kabuhi kung sa siin una rayang naging aspirant model ag nagtrabaho bilang Service Representative it credit union sa California kat naga-eskwela pa.
Ginkoronahan bilang Binibining Pilipinas USA 2014 ag naging top 13 semifinalist sa Miss World Philippines ko 2015.
Nasayuran nga ro Miss Universe Philippines hay pagahiwaton sa pets 3 it Mayo sa SM Mall of Asia Arena sa Pasay City.
