KALIBO, Aklan—Sigidas makaron ro ginahimo nga pag-repair it contractor sa karsadahon nga sakop it Brgy. Bacan, Banga.
Suno kay Engr. Morriel Macavinta, Chief it Maintenance Division it Provincial Engineering Office (PEO)-Aklan, raya hay kaparte it continuation it proyekto bangud may nabilin pang 29 span base sa kontrata.
Suno kana, ro ginbakbak nga porsyon it karsada hay totally damage ag raya makaron ro ginatinguhaan nga matapos.
Masami nga ginareklamo it mga motorista ag residente nga naga-agi sa lugar ro madasig nga pagkasamad it karsada nga nagiging rason it pilang ka mga aksidente.
Maskin ro mga opisyales it barangay hay natak-an eon sa mga reklamo nga ginapaabot kanda bangud sa pagiging takaw-aksidente it karsada.
Nagapabilin nga ro isyu sa ‘overloading’ it mga dump truck halin sa quarry site ro ginatumod nga rason sa pirmeng pag-repair.
Plano sigon it PEO nga paagyan it grader ro kilid it karsada sa oras nga matapos eon ro konstruksyon.
Nasayuran nga naga-abot sa P5 million ro pondo sa nasambit nga proyekto.
