KALIBO, Aklan—Sa pihak it ginapatuman nga liquor ban sa bilog nga probinsya it Aklan, ginpasugtan man sa isla it Boracay ro pagserbi it aeak sa mga guest it Department of Tourism (DOT) accredited hotel and resort sa andang in house guest.
Suno kay Malay Mayor Frolibar Bautista nga raya hay base eon man sa ginpagguwa nga Executive Order ni Aklan Governor Florencio Miraflores sa pihak it pagpaidaeom sa probinsya sa General Community Quarantine (GCQ) classification.
Hugut man sigon nga gina-obserba ro minimum health protocols sa Boracay ag ginapasugtan eamang ro pag-serve it makaeahieilong nga ilimnon sa sueod it mismong estabilisyemento.
Sa pihak kara, padayun man ro pagtaas it tourist arrival sa isla kun siin kaabuan sa mga bisita hay halin sa National Capital Region (NCR).
Sa makaron, naka-focus sigon ro lokal nga gobyerno sa vaccination rollout para sa mga tourism worker it Boracay.
