KALIBO, Aklan — Hugot nga gin pamalibaran ni Atty. Richard Fabila, OIC it Community Environment and Natural Resources (CENRO)-Boracay nga i-take-over it mga mabahoe nga kompaniya ro mga marekober nga wetland area sa isla.
Suno kay Atty. Fabila nga nakipagbueoligan eamang ro Department of Environment and Natural Resources (DENR) sa nasambitan nga mga kompaniya agud mapadasig ro paglimpiyo ag rehabilitasyon sa mga wetland area nga planong himuon bilang tourist destination.
Target sigon nanda nga bago buksan ro isla sa mga turista sa Oktubre 26, matapos eon ro paglimpiyo eabi eon sa wetland no. 6 nga pinakamahigku sa tanan sa may bahin ir Barangay Manocmanoc.
Plano nanda rayang himuon nga mangrove farm samtang ro iba pang wetland area hay paga butangan it park, fountain, butterfly ag firefly farm nga makadugang it kolor sa isla.
Samtang, gin pahayag ni Atty. Fabila nga amat-amat eon nga naganaba ro fecal coliform concentration sa kaeawuran it Boracay dahilan nga kumpiyansa rayang mabuksan ro isla sa mga turista sa Oktubre 26.
