KALIBO, Aklan–Indi pa masayuran it Department of Public Works and Highways (DPWD)-Aklan kung hin-uno maumpisahan ro improvement ag rehabilitation prokect it revetment wall sa bahin it Brgy. Jumarap, Banga.
Suno kay Engr. Joey Ureta, Head it Maintenance Division it DPWH-Aklan nga naeakip ro proyekto sa late fund release.
Samtang, natigayun eon man suno kana nga ma-bid out ro proyekto ko Enero 26.
Presente sigon nga una raya sa idaeom it procurement process kung siin ro kontrata hay gina-validate pa.
Nakataeana man sigon nanda nga i-award ro proyekto sa nagdaog nga contractor apang indi pa matumod kung hin-uno sanda maga-umpisa it konstruksyon.
Sa makaron hay ginahueat pa nanda ro kapin sa P20 million nga pondo halin sa Department of Budget and Management (DBM) para sa rehabilitasyon it revetment wall.
