KALIBO, Aklan— Generally peaceful ro ginpatigayon nga Opening Salvo ukon “Ro Pag-umpisa” it Kalibo Santo Niño Ati-atihan Festival 2020.
Suno kay Police Corporal Jane Vega, tagapaghambae it Aklan Police Provincial Office (APPO) nga owa it nailistang insidente ro katapo it mga kapulisan sa kabilugan it selebrasyon.
Sa pihak kara, nagpadumdom gihapon ro pulisya sa publiko nga sundon ro ginapatuman nga ordinansa it lokal nga gobyerno it Kalibo agud nga maging maayos ag masadya ro kapyestahan ni Senior Santo Niño.
Pila sa mga ginabawae suno kana hay ro pagbitbit it mga de-botelyang ilimnon; pagsigarilyo; pag-uba it eambong; pagbitbit it mga placards nga may nakasueat nga malaswa ukon bukon it manami nga tinaga; ag iba pa nga posibleng makasamad sa imahe it ginakabig nga “Mother of All Philippine Festival”.
