Ginpasiguro ni Pangueong Ferdinand Marcos Jr. nga pagatutukan makaron it gobyerno nga mapa-umwad pa ro ekonomiya it nasyon eabi pa ag ginbo-oe eon it World Health Organization ro Covid -19 emergency.
Raya ro ginpahayag it Pangueo sa andang pagtambong sa reception ceremony nga ginpangunahan it Asian Development Bank (ADB) kun sa siin gintaw-an it pagkilaea si Pangueong Marcos Jr.
Ro Asian Development Bank hay kabulig it gobyerno sa pagpatindog it mga mabahoe nga proyekto it gobyerno partikular ro mga big ticket projects, pagsabat sa climate change ag iba pa.
Sa pihak nga parte, ginpasiguro man it ADB nga padayun nanda nga pagasuportahan ro Pilipinas para maresolba ro problema sa kapigaduhon ag iba pang mga isyu nga ginapangatubang it nasyon.
Ro ADB hay sangka mahugod nga partner it Pilipinas haeos an-um nga dekada eon.
