Health News — Gindeklara eon it PAGASA ro umpisa it dry season, kaya nagiging mas masami ro mga masakit pareho it skin diseases, sore eyes, ag food poisoning.
Suno sa Department Of Health (DOH), posibleng magtuga ro sobrang init it sunburn ag bungang araw.
Ginpadumduman man it DOH ro publiko nga maggamit it sunscreen nga may SPF 30 pataas, magsuksok it maugan ag haeuga nga eambong, ag oabilinong malimpyo ro kaeawasan. Nagataas man ro kaso sore eyes halin sa virus, bacteria, ukon exposure sa kemikal.
Nagpaandam man ro DOH kontra sa food poisoning tuga it madasig nga pagkasamad it pagkaon sa mainit nga panyempo. Ginlaygay man ro tamang pagpahaoom ag insigida nga pagka-on it eaha nga pagkaon sa sueod it daywang oras.
Dugang pa kara, ginpadumduman man ro mga naga-trabaho sa guwa nga maglikaw sa direktang sikat it adlaw, eabi eon kun mataas ro heat index nga naga-abot sa 42°C pataas. Ugalion man ro pag-inom it tubi para malikawan ro dehydration.
Paathag pa it DOH nga likawan ro sikat it adlaw halin alas-9 it agahon hasta alas-4 it hapon, maghugas iota lima permi, ag mag-dahan para makalikaw sa mga peligro it tag-init.
