Mina Abe (center) and Kota Osabe (right) are trying to promote blowing bubbles as an alternative to cigarette smoking in Japan.
Sangka ehemplo para sa Pilipinas ag ibang nasyon sa Asya ro Japan nga nakaexperiensiya it maeapnagon nga pagbagsak it pagpanigarilyo matapos ipakilaea ro heated tobacco products sa merkado.
Suno kay Dr. David Khayat, sangka propesor it Oncology sa Pierre ag Marie Curie University ag pinuno it Medical Oncology sa La Pitie-Salpetriere Hospital sa Paris, ro mabahoe nga pagbagsak it pagpanigarilyo sa Japan hay bangud sa pag angkon it heated tobacco sa merkado.
Ro heated tobacco hay nagasirbing kabaylo sa tradisyonal nga sigarilyo ag nagatuga it mas maisot nga kahalitan sa eawas.
Ginasugid nga ro mga presenteng ginapatuman nga pamaagi it pagpundo sa pagpanigarilyo kapareho it “quitting cold turkey”, nicotine replacement therapy ag nagkaeain-eain nga prescription drugs hay bukon it epektibo para sa kaabuan it mga nagapanigarilyo.
Ginpaathag nga ro pagkasunog it tabako sa init nga masobra sa 350 degrees centigrade ro makamaeatay bangud sa asu nga may halong mga makahaealit nga mga kemikal nga napamatud-an nga nagatuga it sakit sa baga ag cancer.
Ro nicotine sigon hay owa nagatuga it cancer, kundi ro mga carcinogen nga makit-an sa asu it sigarilyo.
Ro heated tobacco products hay owa nagatuga it asu bangud nga raya hay nagapaguwa eamang it aerosol.
Sa baylo nga sunugon ro tabako, gina init eamang raya rason nga owa it asu ukon abo.
Sambilog sa kada ap-at nga Pilipino nga una sa hustong edad ro padayun nga nagapanigarilyo ag ap-at nga porsyento eamang kanda ro nagapundo sa paggamit kara kada dag-on .
