National News——-May posibiledad nga iga-endorso eon lang ni Defense Secretary Delfin Lorenzana sa magabaylo kana sa masunod nga administrasyon ro paeaabuton nga pagbakae it Department of National Defense (DND) it an-um nga Offshore Patrol Vessels (OPV) para sa Philippine Navy.
Suno kay Lorenzana nga may pinal eon nga pag-istorya ro DND sa bag-ong supplier it mga barko ag paga-eauman nga igasapinal ro negosasyon sa sueod eamang it daywang buean it presente nga administrasyon.
Apang magaguwa sigon nga “midnight deal” kung imaw ro magapirma sa kontrata, kung siin ginpakamayad eon lang nana nga ipasa raya sa masunod nga administrasyon.
Kapareho man sigon sa natabo sa pagpatigayon nga pagbakae it daywang frigates it Phil. Navy, kun sa siin ginhimu it administrasyong Aquino ro “leg-work” , ag ro Duterte administration man ro nagsapinal it kontrata.
Madumduman nga kinansela it DND ko nagtaliwan nga Marso ro nauna nga plano nga pagahimuon eon nga Austal it Australia ro nasambit nga mga OPV sa anda nga shipyard sa Balamban, Cebu, kun sa siin hay magabakae lang sanda sa ibang supplier bangud sa isyu sa “budget”.
Sa pihak nga parte, ginpahayag man ni Sec. Lorenzana nga nakataeana eon nga pirmahan ro kontrata para sa acquisition it Corvette.
