KALIBO, Aklan—Ginaeauman nga magabuhay it 6 nga adlaw ro pagbakuna kontra covid 19 sa unang 3,000 nga mga tourism workers sa isla it Boracay.
Suno kay Malay tourism officer Felix Delos Santos nga kada adlaw hay target nanda nga mabakunahan ro kapin sa 500 nga mga tourism workers sa isla.
Magiging recipient it nag abot nga 3,000 doses it sinovac vaccine ro masobra sa 2,600 nga mga trabahador it mga hotel, resort, restaurant ag tourist transport kamana man ro haeos 400 nga tourism frontline personnel nga ginaeakipan it mga tour guide, bangkero, e-trike driver ag airport ukon seaport frontliner.
Madumduman nga ko hulyo 3 hay pormal nga ginbaton ni malay mayor frolibar bautista ro 3,000 doses it bakuna halin sa department of tourism bilang kaparte it tikang agud nga amat-amat nga makabalik ro kapagsik it tourism industry sa isla.
Ko Miyerkules nga adlaw hay gin-umpisahan ro pagbakuna nga ginsaksihan mismo nanday tourism secretary Bernadette Romulo-Puyat ag testing czar Vince Dizon.
Kapin sa 40,000 doses it bakuna ro gin request it lokal nga gobyerno it Aklan ag malay sa national office agud nga maabot ro herd immunity sa isla.
